Internet Explorer

Windows Internet Explorer Кампанент Microsoft Windows
Internet Explorer 9 у Windows 7
Дэталі
Тып	Браўзер і RSS-агрэгатар
Пастаўляецца з	Microsoft Windows[1]
Заменены на	Microsoft Edge
Стан падтрымкі
Працягваецца падтрымка ў асобных версіях Windows

Internet Explorer (чытаецца інтэрнэт эксплорэр, скарочана IE) — серыя браўзераў, якая распрацоўвалася карпарацыяй Microsoft з 1995 года. Доўгі час Internet Explorer уваходзіў у камплект аперацыйных сістэм сямейства Windows. Таксама на працягу некаторага часу існавалі версіі для MacOS (падтрымка скончана ў 2003 годзе) і Unix (падтрымка скончана ў 2001 годзе). Распрацоўка новых функцый для браўзера была спынена ў 2016 годзе на карысць новага браўзера Microsoft Edge.

Калісьці Internet Explorer быў самым папулярным браўзерам - у 2003 годзе яго доля выкарыстання дасягала 95 %.^[2] З таго часу яго доля выкарыстання паступова зніжалася з запускам Firefox і Google Chrome, а таксама з ростам папулярнасці мабільных аперацыйных сістэм, такіх як Android і iOS, якія ўвогуле не падтрымліваюць Internet Explorer. На 2022 год ацэнка долі Internet Explorer на ўсіх платформах складае каля 0,3 %, такім чынам ён займае 9-е месца пасля UC Browser.^[3]

17 сакавіка 2015 года Microsoft абвясціла, што Microsoft Edge заменіць Internet Explorer у якасці браўзера па змаўчанні «для некаторых версій Windows 10».^[4] Гэта зрабіла Internet Explorer 11 канчатковай версіяй браўзера.

1. ↑ Акрамя Windows 7 і Windows Server 2008 R2 версіі E.
2. ↑ "Microsoft's Internet Explorer losing browser share". BBC News.
3. ↑ Browser Market Share Worldwide (англ.). StatCounter Global Stats. Праверана 4 верасня 2022.
4. ↑ Blog, Windows Experience. The future of Internet Explorer on Windows 10 is in Microsoft Edge (англ.)  (нявызн.) ?. Windows Experience Blog (19 мая 2021). Праверана 12 кастрычніка 2021.